O'quvchilar ijodidan

Vatan

                  Vatan

Jannatlarni qumsamaydi,

Chamaningda uchgan bulbul.

Mehring birla barg yozadi,

Bog’ingdagi har atirgul.

                    Shudringning shu’lasidan,

                       Tovlanmoqda har bir tong.

                       Ko’hna chinorning barglari,

                       Shukrona deb urmoqda bong.

Farzandlaring kulgusida,

Beg’uborlik misli dunyo.

Tunlarida oymomo ham,

Alla aytar unga go’yo.

                       Samarqand-u Buxoroga,

                       Butun dunyo qilar havas.

                       Sof havoga to’yinmagan,

                       Zominingdan olsin nafas.

Chiroyingni ko’rmaganning,

Ko’zlarida ming hayajon.

Zilol suving tomchisidan,

Bo’ynimga taqayin  marjon.

                       Safarlarga uzoq muddat,

                       Ketmoqchi bo’lsam agarda.

                       Ketmasimdan turib men-la,

                       Vatan sog’inchi sargarda.

Senga yozgan baytlarim,

Kerak bo’lsa aytgum takror.

Hatto, tuproq, toshinga ham

Gardlar yuqtirmasman zinhor.

                       Sening noming shafaqlarga,

                       Zarhallar-la o’yib yozgum.

                       Faqat sen-la qo’ldan tutib,

                       Baxtli iqbol tomon yurgum.

 

8-“B” sinf o’quvchisi RAIMJONOVA MAFTUNA

 

 

                  Tun

Quyosh yana chekindi ortga,

Shafaqlarin qoldirib ketdi.

Balki, shafaq qo’rqqandir o’zi,

Tezda quyosh yoniga yetdi.

                       Yulduzlardan toshtirib sepkil,

                       Tun ham o’zin bo’yadi ko’kka.

                               Labin uzra nuqta holini,

                               Ko’rmoq uchun boqaman ko’kka.

Atrof jim-jit, tabiat sokin,

Lek, chigirtka buzar pinakni.

Nursiz, jonsiz o’sha fazoga,

Olib bersam deyman yurakni.

                               Tun ham uzun oxiri yo’qdek,

                                Navbatini tongga bermaydi.

                               Shitirlagan yaproq, vovullagan it

                               Tunga uyqusizlik ermagi.

 

8-“B” sinf o’quvchisi Raimjonova Maftuna              

O'xshash maqola

Tavsiya qilamiz

Close
Ko'rish imkoniyati cheklangan foydalanuvchilar uchun qo'shimcha imkoniyat
Close

Adblock ishlamoqda

Iltimos adblockni o'chirib qo'ying. Bu sayt havfsiz